പൃഥ്വിരാജ് സംവിധാനം ചെയ്ത് മോഹന്‍ലാലും പൃഥ്വിരാജും മുഖ്യ വേഷങ്ങളിലെത്തുന്ന ‘ബ്രോ ഡാഡി’യുടെ പുതിയ പ്രൊമോ വിഡിയോ പുറത്തിറങ്ങി. നിര്‍മാതാവ് ആന്‍റണി പെരുമ്പാവൂര്‍ അവതരിപ്പിക്കുന്ന എസ്ഐ ആന്‍റണി ജോസഫ് എന്ന കഥാപാത്രത്തെ ചുറ്റിപ്പറ്റിയാണ് വിഡിയോ. നേരത്തേ ട്രെയിലറില്‍ ഈ കഥാപാത്രത്തെ അവതരിപ്പിച്ച രീതിയും ശ്രദ്ധ നേടിയിരുന്നു. മീന, കല്യാണി പ്രിയദര്‍ശന്‍ എന്നിവരാണ് നായികമാര്‍. ജനുവരി 26ന് ഡിസ്നി ഹോട്ട്സ്റ്റാറിലൂടെ ചിത്രം പുറത്തിറങ്ങും. മോഹന്‍ലാലിന്‍റെ മകനായാണ് പൃഥ്വി എത്തുന്നത്. മോഹന്‍ലാലിന്‍റെ അമ്മ വേഷത്തില്‍ മല്ലിക സുകുമാരന്‍ എത്തുന്നു.
സൌബിന്‍ ഷാഹിര്‍, മുരളി ഗോപി തുടങ്ങിയവരും പ്രധാന വേഷങ്ങളിലുണ്ട്. ഫണ്‍ ഫാമിലി എന്‍റര്‍ടെയ്നറായിട്ടാണ് ‘ബ്രോ ഡാഡി’ എത്തുന്നത്. ശ്രീജിത്തും ബിബിന്‍ മാളിയേക്കല്‍ തുടങ്ങിയവരാണ് രചന നിര്‍വഹിക്കുന്നത്. ദീപക് ദേവാണ് ചിത്രത്തിന് സംഗീതം നല്‍കിയിട്ടുള്ളത്.
Here is the new promo video for Prithviraj Sukumaran directorial BroDaddy featuring Antony Perumbavoor. Mohanlal, Prithviraj, Meena, Kalyani Priyadarshan in lead roles. Streaming via Disney Hotstar from Jan 26.