സച്ചിയുടെ സംവിധാനത്തില്‍ മലയാളത്തില്‍ പുറത്തിറങ്ങി നിരൂപകരുടെയും പ്രേക്ഷകരുടെയും മികച്ച അഭിപ്രായങ്ങള്‍ ഒരു പോലെ സ്വന്തമാക്കിയ ചിത്രം ‘അയ്യപ്പനും കോശിയും’ തെലുങ്കില്‍ ‘ഭീംലനായക്’ ആയി എത്തുകയാണ്. ത്രിവിക്രം തിരക്കഥയൊരുക്കി സാഗര്‍ കെ ചന്ദ്ര സംവിധാനം ചെയ്യുന്ന ചിത്രം ചിത്രത്തില്‍ പവന്‍ കല്യാണ്‍ ആണ് മുഖ്യ വേഷത്തില്‍ എത്തുന്നത്. ഇപ്പോള്‍ ചിത്രത്തിന്‍റെ ടൈറ്റില്‍ സോംഗ് പുറത്തിറക്കിയിരിക്കുകയാണ് അണിയറ പ്രവര്‍ത്തകര്‍.
മലയാളത്തിലെ ഏറെ ശ്രദ്ധേയമായ ടൈറ്റില്‍ ഗാനം ‘കലക്കാത്ത’യ്ക്ക് സമാനമായി ഫോക്ക്‍ലോര്‍ ശൈലിയിലുള്ള ഗാനമാണ് തെലുങ്കിലും ഉപയോഗിച്ചിരിക്കുന്നത്. പവന്‍ കല്യാണ്‍ ‘ബിജു മേനോന്‍ അവതരിപ്പിച്ച കഥാപാത്രമായി എത്തുമ്പോള്‍ റാണ ദഗ്ഗുപതി ആണ് പൃഥ്വിരാജ് അവതരിപ്പിച്ച വേഷത്തില്‍ എത്തുന്നത്.സിത്താര എന്റര്‍റ്റെന്‍മെന്‍റ്സ് നിര്‍മ്മിക്കുന്ന ചിത്രം അടുത്ത വര്‍ഷം തിയറ്ററുകളില്‍ എത്തും. എസ് തമന്‍ സംഗീതം നല്‍കുന്നു.
Here is the title song for ‘Ayyappanum Koshiyum’ Telugu remake ‘Bheemla Nayak’. Pawan Kalyan and Rana Daggubati essaying the lead roles in this Sagar K Chandra directorial. S Taman musical.