വുമണ്‍ ഇന്‍ സിനിമാ കളക്റ്റിവില്‍ നിന്ന് സംവിധായിക വിധു വിന്‍സെന്റ് രാജിവെക്കാനിടയായത് താന്‍ അവരുടെ ചിത്രം നിര്‍മിച്ചതുമായി ബന്ധപ്പെട്ട ഭിന്നതകളെ തുടര്‍ന്നാണെന്ന വെളിപ്പെടുത്തലില്‍ പ്രതികരിക്കാനില്ലെന്ന് സംവിധായകനും ഫെഫ്ക പ്രസിഡന്റുമായ ബി ഉണ്ണികൃഷ്ണന്‍. നടി ആക്രമിക്കപ്പെട്ട കേസില്‍ അറസ്റ്റ് ചെയ്യപ്പെട്ട് പുറത്തിറങ്ങിയ ശേഷം ദിലീപിനെ നായകനാക്കി ചിത്രം സംവിധാനം ചെയ്ത ഉണ്ണികൃഷ്ണന്‍ തന്റെ ചിത്രം നിര്‍മിക്കുന്നതില്‍ സംഘടനയ്ക്കകത്ത് എതിര്‍പ്പുണ്ടായെന്നും തന്റെ ചിത്രവുമായി ഡബ്ല്യുസിസിയിലെ ഒരു വിഭാഗം സഹകരിച്ചില്ലെന്നും വിധു വെളിപ്പെടുത്തിയിരുന്നു.
‘ അത് അവരുടെ വിഷയമാണ്. അതുകൊണ്ട് തന്നെ അതിലൊരു പ്രതികരണത്തിന് താത്പര്യമില്ല. ഈ പ്രശ്‌നത്തിലേക്ക് വലിച്ചിഴക്കപ്പെടാന്‍ ഞാന്‍ ആഗ്രഹിക്കുന്നില്ല,’ ഒരു ഓണ്‍ലൈന്‍ മാധ്യമത്തോട് ബി ഉണ്ണികൃഷ്ണന്‍ പ്രതികരിച്ചു. ഡബ്ല്യുസിസിക്ക് അകത്ത് വര്യേണ്യ മനോഭാവവും ഇരട്ടത്താപ്പും ചിലര്‍ പുലര്‍ത്തുന്നുണ്ടെന്ന് വിധു വിന്‍സെന്റ് പറയുന്നു.
Fefka President B Unnikrishnan not ready to react on issues in WCC about his backing to Vidhu Vincent directorial.