ശ്യാമ പ്രസാദ് സംവിധാനം ചെയ്ത ‘ഋതു’ എന്ന ചിത്രത്തിലൂടെ പ്രതിനായകനായി ആസിഫലി സിനിമയില്‍ അരങ്ങേറ്റം കുറിച്ചിട്ട് 11 വര്‍ഷം പൂര്‍ത്തിയാകുകയാണ്. ഒട്ടേറേ കയറ്റിറക്കങ്ങള്‍ കരിയറില്‍ നേരിട്ട ആസിഫ് 2019ല്‍ മികച്ച വിജയങ്ങള്‍ കരസ്ഥമാക്കി നടനെന്ന നിലയിലും താരമെന്ന നിലയിലും മുന്നേറുകയാണ്. ഇപ്പോള്‍ സിനിമാ അരങ്ങേറ്റത്തിന്റെ വാര്‍ഷികത്തില്‍ ആസിഫിന്റെ അനിയനും നടനുമായ അസ്‌കര്‍ ആശംസകള്‍ നേര്‍ന്ന പങ്കുവെച്ച കുറിപ്പ് വൈറലാകുകയാണ്.
‘ഈ ദിവസം ഓര്‍മ്മ വരുന്നത് തിയേറ്ററില്‍ അബ്ബയ്ക്കും ഉമ്മയ്ക്കും അരികിലിരുന്ന് ഋതു കണ്ടതാണ്. എന്റെ കണ്ണുകളിലെ ആകാംക്ഷയും ഉത്സാഹവുമെല്ലാം ഞാന്‍ ഇപ്പോഴും ഓര്‍ക്കുന്നു. നിങ്ങള്‍ക്കരികില്‍ നിന്ന് നിങ്ങളുടെ വിജയവും വഴിത്തിരിവുകളുമെല്ലാം കടല്‍ത്തിരമാലകള്‍ ആസ്വദിക്കുന്ന കൊച്ചുകുട്ടിയെന്ന പോലെ ഞാന്‍ ആസ്വദിക്കുകയായിരുന്നു. എന്റെ അധ്യാപകനാണ്, മെന്ററാണ്.. ഒരു സൂപ്പര്‍ഹീറോയെക്കാള്‍ വലിയ സാന്നിധ്യമാണ്.
സിനിമ സ്വപ്നം കാണാനും സംസാരിക്കാനും സിനിമയ്ക്കു വേണ്ടി ജീവിക്കാനും എന്നെ പഠിപ്പിച്ച വ്യക്തിയാണ്. അപ്പുക്കാ.. കരിയറില്‍ ഇനിയുമിനിയും വിജയങ്ങളുണ്ടാകട്ടെ. ഇക്ക നല്‍കുന്ന സ്‌നേഹം ആസ്വദിക്കാനും കൂടെ ചേര്‍ന്നുനില്‍ക്കാനും തന്നെയാണ് ഞാന്‍ ആഗ്രഹിക്കുന്നത്. ആസിഫ് അലിയുടെ ആദ്യത്തെ ഏറ്റവും വലിയ ആരാധകന്‍’ എന്നാണ് അസകറിന്റെ കുറിപ്പ്.
Asif Ali completed 11 years in cinema. His first film was Shyamaprasad directorial Rithu. Asif’s brother actor Askar Ali shared a emotional note on this.
