ദുല്‍ഖര്‍ സല്‍മാനോടും നിവിന്‍ പോളിയോടുമെല്ലാം അസൂയ തോന്നിയിട്ടുണ്ടെന്ന് നടന്‍ ആസിഫ് അലി. താനഭിനയിക്കാത്ത ഹിറ്റായ സിനിമകളില്‍ അഭിനയിക്കുന്നവരോടും അസൂയ തോന്നാറുണ്ടെന്ന് ഒരു റേഡിയോ ചാനലിന് അനുവദിച്ച അഭിമുഖത്തില്‍ താരം കൂട്ടിച്ചേര്‍ത്തു. സ്വന്തം പേര് ഗൂഗിളില്‍ തിരഞ്ഞിട്ടുണ്ടെന്നും അത് ഒരു ചീപ്പ് ഷോയുടെ പേരിലായിരുന്നുവെന്നും ആസിഫ് അലി പറയുന്നുയ സംഭവം താരം വിശദീകരിക്കുന്നതിങ്ങനെ,
‘ കുടുംബാംഗങ്ങളോടൊപ്പം ഹോളിഡേ അടിച്ചുപൊളിക്കാന്‍ പോയതായിരുന്നു. ഒരു റിസോര്‍ട്ടില്‍ റൂമൊക്കെയെടുത്ത് ആഘോഷിക്കുന്നതിനിടെ അവിടുത്തെ ഒരു ജീവനക്കാരന്‍ വന്ന് ശബ്ദം കുറക്കാന്‍ ആവശ്യപ്പെട്ടു. ഞങ്ങള്‍ അവധിയാഘോഷിക്കാന്‍ വന്നതാണ്, ശബ്ദമുണ്ടാക്കും എന്നു ഞാന്‍ തിരിച്ചുപറഞ്ഞു. അയാള്‍ വീണ്ടും ഷോ കാണിച്ചു. അപ്പോള്‍ ഞാന്‍ തിരിച്ചു പോയി എന്റെ പേര് ഗൂഗിളില്‍ സേര്‍ച്ച് ചെയ്ത് നോക്ക് എന്നു പറഞ്ഞു. അതൊരു ചീപ്പ് ഷോ ആയിരുന്നു. ശ്രീലങ്കയില്‍ ആയിരുന്നു സംഭവം.”.
Asif Ali says that He sometimes felt jealous about Dulquer Salman and Nivin Pauly. Some interesting takeaways from Asif Ali’s recent interview.
