അല്ലു അര്‍ജ്ജുനിന്‍റെ 20-ാം ചിത്രം ‘പുഷ്പ’യെ സംബന്ധിച്ച വലിയൊരു അപ്ഡേറ്റാണ് ഇപ്പോള്‍ പുറത്തുവന്നിട്ടുള്ളത്. രണ്ട് ഭാഗങ്ങളായാണ് ചിത്രം എത്തുക എന്ന് അണിയറ പ്രവര്‍ത്തകര്‍ വ്യക്തമാക്കി. വളരേ വിപുലമായ കഥാപശ്ചാത്തലം വന്‍ കാന്‍വാസില്‍ ഒരുക്കുന്ന ചിത്രം ഒറ്റ ഭാഗത്തില്‍ ഒതുക്കാനാകില്ലാ എന്ന് വ്യക്തമായതോടെയാണ് രണ്ട് ഭാഗങ്ങളായി പുറത്തിറക്കാന്‍ തീരുമാനിച്ചത്. സുകുമാര്‍ സംവിധാനം ചെയ്യുന്ന ചിത്രത്തില്‍ വില്ലന്‍ വേഷത്തില്‍ എത്തുന്നത് മലയാളത്തിന്‍റെ സ്വന്തം ഫഹദ് ഫാസിലാണ്. ആദ്യ ഭാഗത്തിന്‍റെ അവസാനത്തിലാണ് ഫഹദ് എത്തുക എന്നും രണ്ടാം ഭാഗത്തിലാണ് ഫഹദിന്‍റെ രംഗങ്ങള്‍ കൂടുതലായി ഉണ്ടാവുക എന്നുമാണ് അണിയറ പ്രവര്‍ത്തകരില്‍ നിന്ന് ലഭിക്കുന്ന വിവരം.
ഇടതൂര്‍ന്ന താടിയും മുടിയുമായി വ്യത്യസ്ത ലുക്കിലാണ് അല്ലു അര്‍ജുന്‍ ചിത്രത്തില്‍ എത്തുന്നത്. മൈത്രീ മൂവീ മേക്കേര്‍സാണ് ചിത്രം നിര്‍മിക്കുന്നത്. തെലുങ്കിനും മലയാളത്തിനും പുറമേ ഹിന്ദി, കന്നഡ, തമിഴ് ഭാഷകളിലും ചിത്രം എത്തും. ദേവി ശ്രീ പ്രസാദാണ് ചിത്രത്തിന് സംഗീതം നല്‍കുന്നത്. അല്ലു നായകനായി ഒടുവില്‍ തിയറ്ററുകളില്‍ എത്തിയ ‘അല വൈകുണ്ഠപുരംലു’ ബാഹുബലിക്ക് ശേഷം തെലുങ്കില്‍ നിന്ന് ഏറ്റവുമധികം കളക്ഷന്‍ സ്വന്തമാക്കിയ ചിത്രമായാണ് ട്രേഡ് അനലിസ്റ്റുകള്‍ വിലയിരുത്തുന്നത്.
നേരത്തേ വേലൈക്കാരന്‍, സൂപ്പര്‍ ഡീലക്സ് എന്നീ ചിത്രങ്ങളിലൂടെ ഫഹദ് തമിഴില്‍ വിജയകരമായി എത്തിയിരുന്നു.
Fahadh Fassil will debut in Telegu as a villian in Allu Arjun’s next ‘Pushpa. The Sukumar directorial will release in 2 parts.