എച്ച് വിനോദിന്‍റെ സംവിധാനത്തില്‍ ഒരുങ്ങുന്ന ചിത്രം’വലിമൈ’യുടെ ഷൂട്ടിംഗിനിടെ തമിഴ് സൂപ്പര്‍ താരം അജിത് കുമാറിന് പരുക്ക്. ഹൈദരാബാദില്‍ സംഘടന രംഗം ചിത്രീകരിക്കുന്നതിനിടെ ആണ് അജിതിന് പരുക്കേറ്റത്. നേര്‍കൊണ്ട പാര്‍വൈ എന്ന ചിത്രത്തിനു ശേഷം ഇരുവരും എച്ച് വിനോദുമായി ഒന്നിക്കുന്ന ചിത്രത്തില്‍ പൊലീസ് വേഷത്തിലാണ് അജിത് എത്തുന്നത്. വലിമൈ ഹിന്ദിയിലും പുറത്തിറങ്ങുമെന്നാണ് വിവരം. പാന്‍ ഇന്ത്യന്‍ സ്വഭാവമുള്ള, രാജ്യ വ്യാപകമായി വൈഡ് റിലീസുള്ള ആദ്യ അജിത് ചിത്രമായേക്കും വലിമൈ.പരുക്ക് ഏറെ സാരമുളളതല്ലെന്നും ഒന്നു രണ്ട് ആഴ്ചത്തെ വിശ്രമം അജിതിന് വേണ്ടി വരുമെന്നുമാണ് അണിയറ പ്രവര്‍ത്തകരില്‍ നിന്ന് ലഭിക്കുന്ന വിവരം.
ഹുമ ഖുറേഷി നായികയായി എത്തുന്ന ചിത്രത്തില്‍ പ്രസന്നയാണ് വില്ലന്‍ വേഷത്തില്‍ എത്തുന്നത്. അജിതിന്റെ ക്ലീന്‍ ഷേവും കറുപ്പിച്ച മുടിയും കണ്ണടയുമായുള്ള ഒരു ലുക്കും താടിയില്ലാതെ നരച്ച ഒരു നേര്‍ത്ത മീശയുമായുള്ള ഗെറ്റപ്പും പുറത്തുവന്നിട്ടുണ്ട്. നേര്‍കൊണ്ട പാര്‍വൈയുടെ നിര്‍മാതാവായ ബോണി കപൂര്‍ തന്നെയാണ് പുതിയ ചിത്രവും നിര്‍മിക്കുന്നത്.
Thala Ajith Kumar got injured during the shooting of Valimai. The H Vinod directorial have Huma Qureshi as the female lead, Prasanna as the antagonist.