ബ്ലസിയുടെ സംവിധാനത്തില്‍ പ്രിഥ്വിരാജ് മുഖ്യവേഷത്തില്‍ എത്തുന്ന ആടു ജീവിതം നവംബറില്‍ ഷൂട്ടിംഗ് ആരംഭിക്കും. ബെന്ന്യാമിന്റെ വിഖ്യാത നോവലിനെ ആധാരമാക്കി ഒരുക്കുന്ന ചിത്രത്തിന്റെ തിരക്കഥ പൂര്‍ത്തിയായതായാണ് ബ്ലസി പറയുന്നത്.
10 മാസത്തോളം ആടു ജീവിതത്തിനായി പ്രിഥ്വി മാറ്റിവെച്ചിട്ടുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. ആറു ഷെഡ്യൂളുകളായാണ് ചിത്രം പൂര്‍ത്തിയാക്കുക. ഒട്ടേറെ സ്‌പെഷ്യല്‍ ഇഫക്റ്റ്‌സുകള്‍ ചേര്‍ത്ത് ത്രീഡിയിലായിരിക്കും ചിത്രം എത്തുക.
പടിഞ്ഞാറന്‍ ഏഷ്യയിലെ മരുഭൂമികളായിരിക്കും ചിത്രത്തിന്റെ പ്രധാന ലൊക്കേഷന്‍. 2020ലായിരിക്കും ചിത്രം തിയറ്ററുകളില്‍ എത്തുക. ചിത്രത്തില്‍ അഭിനയിക്കാന്‍ 18നും 22നും ഇടയിലുള്ള യുവതീ യുവാക്കളെയും 50നും 60നും ഇടയില്‍ പ്രായമുള്ള സ്ത്രീകളെയും ആവശ്യമുണ്ടെന്ന് പ്രിഥ്വിരാജ് ഫേസ്ബുക്ക് പോസ്റ്റിലൂടെ അറിയിച്ചിട്ടുണ്ട്.
